BERTRANDUS de Guesclm

BERTRANDUS de Guesclm

Brito, Connestabilis Gall. sub Iohanne et Carolo V. Ducem Lancastriae obsidionem Rhedonum solvere coegit, Anglos plurimis locis exuit, hinc Ducatu Longavillanô donatus. Dein suppetias profectus Comiti Blesensi contra Comitem Montfortium, in praelio Auraicensi captus est. Inde liber, in Hispania Henrico praesto fuit, contra Petrum Crudelem, qui Blancam Borboniam, uxorem suam, neci dederat. Iterum captus in pugna Navarretana, A. C. 1367. Liberatus, eundem Petrum 4. proeliis vicit, redux in Galliam Conestabilis factus, rebus contra Anglos praeclare gestis, in Arvernia, obiit, A. C. 1380. aetat. 66. In fano Dionysii sepultus, ubi lampas eius inextinguibilis. Histor. Gall. in Carolo V. Castelet. in vita eius.